Nalao skonggipa chirang joksolna man∙jaesa stadium-ni pakmarang be∙gruaha: Conrad Sangma

PA Sangma stadium ni pakma be∙wakani a∙selo, engineer aro contractor rangni report ba u∙iataniko a∙dokni dilgipa Conrad Sangma man∙soe uarangni bidingo da∙al salni bako tom∙e niplangaha. Report o janapa gitade ia ong∙a obostara wilwilao donggipa chirang nalao skonge joksolna man∙jani a∙selosa ong∙aha ine Conrad Sangma parakataha.

Chirangko name wate galna man∙jani a∙selo kal∙chakramoni meter 10 mang chel∙ao donggipa pakma sinjetaniko man∙chakjae be∙gruaona sokaha ine Conrad Sangma parakataha. Uni aganani gitade stadium-ko rikanio maming dos dongja maina pakmani ja∙pangna meter 9 mang tu∙e kitesa tariahachim ine ua agandapangaha. Mikkangchi neng∙nikani ba a∙sel ong∙anirangko chel∙chakna nambate ja∙ku de∙e kamrangko ka∙e matchotatgen ine ua u∙iatangaha.