UDP chi dilgipa KHADC be∙gruanina gitcham CEM Titosstarwell Chyne, uko Congress dol baksa ku∙monge ra∙galani a∙selsa be∙gruaha ine matnangatani ja∙mano National People’s Party (NPP) ni National Vice President aro Deputy Chief Minister Prestone Tynsong, KHADC-o anga maming bilan dongjaode maikai anga gitcham CEM ko ra∙ongalna man∙gen ine UDP ni matnange agananiko jegalataha.
KHADC ko rikanio UDP baksa meligrikgijanirang donggenchim ong∙oba MDA sorkariko rikanio maming neng∙nikani dongja indiba UDP chingni melibatsranggipa ripeng ong∙a aro apsan ku∙monge sorkariko bilsi bongana matchote rikanggen ine aganangaha.
KHADC ko chalaina dingtang EC ong∙ahani gimin, jinma namnike seokako man∙gipa jean da∙o UDP ni Bindo M Lanong ong∙engachim, ukoba ra∙galanggenma ine sing∙anina, iani bidingo anga mamingkon agana man∙jawa maina KHADC ni pilak kamrangkon Executive Member rangsa niroke ka∙anggen ine Tynsong aganchakangskaaha
