A∙chik Organisation for Social Welfare (AOSW) dolrang batanggimin salo Dobetkolgre-oni Apotgittim-ona dollong rikkenggipani kamrangko namnikjae RTI ka∙aniko Samanda Block Development Officer-ni aganchakaniko uamangni nangnika gita ong∙ja ine parakataha.
April jani somoio, Williamnagar MLA aro Cabinet Minister, Marcuise N Marak, uni 2018-2023 bilsirangni gisepo, ia apsan dollongko election-na skang manderangna matchotaha ine dilsrete mesokanina AOSW dol uni kosako matnanganiko on∙ataha. Uamangni aganani gitade ua somoi-o ia dollongko rika tong∙sani gitaba kamrangko matchotkujachim.
