Boldorenggre, Akkilanggre, Takinggre, Kantragre aro uni wilwilao dongenggipa songrang Boldorenggre Health and Wellness Centre ko Primary Health Centre (PHC) ona tang∙doatchina Turani MP Agatha Sangma ni jako memorandumko on∙angaha.
Boldorenggre Health and Wellness Centre, ua jolo damsa gitchambatgipa sanchakram biap ong∙a, indiba iano kam ka∙enggipa Doctor rang chu∙onga gita dongja aro kamona tik ong∙e re∙barongjani a∙selo neng∙nikaniko man∙ronga ine memorandum-o janapataha.
Nambata sanna bananiko dakna man∙a gita ua jolo donggipa manderang ia sanchakram biapko PHC ona tang∙doatan baksa chu∙onga gita Doctor rangkoba kamo rakkie on∙a nanga ine songni manderang u∙iataha.
