Ri-bhoi a∙jani Umsohlait songo sombar attamo mikka kimpretani a∙selo nokdang ge∙sani sakdok manderang saknaako man∙an baksa atchidaldalgipa bi∙saba bilongbee saknaaniko man∙paaha. Kobor rangko man∙soani gitade atchidaldalgipa bi∙sako Nazareth Hospital Shillong-o sanna-bannaniko dakenga aro jimbee saknaaniko man∙e ua mikselkujaenga ine u∙ina man∙soaha.
Re∙anggipa June 21 tarik-o, Mawsynram-ni Mawjem songo sakgni manderang apsan dakgipa a∙sel ong∙anio siahachim aro ia obosta ong∙anio sianggipa manderangara Mawdon songni Skylait Donbon (55) aro Mawkham songni Wallambok Rapsang(19) ong∙a ine Disaster Management Authority parakataha.
