South Garo Hills a∙jani Darang Boldak PMGSY ramako taria namjaenga ine korborko man∙soani ja∙man, Niksamso Garo Community Organisation (NGCO) Head Quarter Simsanggre aro Baghmara NGCO Southern Zone-ni dilgiparang, ua biapona re∙ange nienba ramarangko tarianio uamangni namnikgijaniko parakataha.
Baghmara NGCO Southern Zone-ni President Arjun S. Marak-ni u∙iatani gitade, ua Darang Boldak PMGSY ramako je Contractor-an jako ra∙e kam ka∙engachim uko name kamko ka∙chinagita NGCO didiangaha. Contractor-rang je kamko ka∙oba A∙chik a∙songni namroro silroroanina kakket ong∙e kamrangko ka∙na nanga ineba uamang aganangaha.
Ua PMGSY ramako name kamrangko ka∙ja ong∙ode, mikkangchi rakbata ja∙kurangko de∙anggen ine NGCO mikkrakatanikoba on∙ataha. Ua ramako tarigipa contractor-ni kosako South Garo Hills a∙jani Deputy Commissioner-na da∙al salni bako lekka sedoaniko dakanggen ineba parakataha.
