Meghalaya Pradesh Congress Committee (MPCC)-ni Secretary, Golden Nonglong, uni chanchiani baksa dolni kamrang meligrikjaenga ine Secretary ni kam oniko watna tik ka∙angaha. June 21 tariko Shillong-ni Congress Bhawan-o uamang dolni tom∙bimonganio ua MPCC ni Secretary kamoniko watna miksongangaha.
Nonglong ni ia ja∙kuko de∙ani a∙selara Congress dolni batanggimin salo KHADC-o NPP na chakpaaniko on∙ani gimin ong∙aha ine ua parakataha. Dilgiparangan niamrangko tarie pe∙genchimode uamangni dol niamni a∙palo kam ka∙enga ineba ua dilgiparangni kosako suk ong∙gijaniko aganangaha.
