Imphal-ni dingtang dingtang dolni dilgiparangko Rahul Gandhi gronganggen

Congress-ni dilgipa Rahul Gandhi, Manipur a∙doko so∙sojengjeng ong∙e neng∙nikaniko man∙gipa nokdangrangko Moirang-o gronge golporimaniko dakanga. Unbaksana dingtang dingtang political dolni sak 10 dilgiparang baksa United Naga Council (UNC), Civil Society Organisation, aro me∙chik dolni dilgiparangko Imphal-o grongangskagen ine Manipur a∙dokni Congress President Keisham Meghachandra u∙iatangaha.