Israel o ong∙atgipa training program-o A∙chik officer saksa bakko ra∙anga

June 11 oni 23 tarikona, Israel a·songo Foreign Ministry-ni International Development Cooperation-ni ning·o donggipa MASHAV aro United Nations Industrial Development Organisation (UNIDO) baksa nangrime ong·atanggipa training program-o East Garo Hills a∙jani Horticulture Director, Mukta Mankin Sangma bakko ra∙angaha. Training ni miksonganiko ‘Empowering Women Through Climate Tech & Agribusiness’ ine donenba ong∙atangaha.

Ia training program-o Latin America, Caribbean, Eastern Europe, Asia, Africa aro Pacific-ni dam 20 a·songrangoni chu∙gimik sak 44 official dilgiparang bakko ra·angaha ine koborko man∙soaha. Sangma, una ia namgipa cholko bak ra∙na on∙anina Meghalaya sorkarini Agriculture Department aro Joint Secretary, MASHAV aro UNIDO ko mitelpilani kattarangko aganangaha.