Leader of Opposition ba mikkangchakgrikgipa dolni skotong Ronnie V Lyngdoh, sakanti MLA rangna kamtangtangko nambate ka∙angna man∙a gita, sorkari gariko aro dingtang dingtang nanganirangko on∙china gita didiangaha. Lyngdoh iani bidingo Deputy Chief Minister na chitti see u∙iataha ine kobor ra∙timgiparangna parakataha.
MLA rangna sorkarini garirangko, gari saltimgipako, lekkarangko setime on∙giparangko on∙genchimode, uamang an∙tangtangni elakkatangna aro a∙dokna, nambate kamko dangdike on∙angna man∙gen ine Lyngdoh aganaha. Unbaksana, Speaker aro Deputy CM baksa chanchirimanikoba dakange, uamang ia ku∙pattianiko ra∙chakaha ineba aganaha.
2018 electiono amma cha∙e ia bilsio Assembly election o chetaie, batanggimin bilsirango an∙tangni Cabinet Minister ong∙mitingo re∙na dona kraagita koros ong∙arangko janapa gnang, MLA rangna re∙na dona gita gari gora rangko on∙genchimode uamangna bilongen dakchakbeani ong∙gen, jedakode chel∙begipa kona-noksik elakka ni MLA ong∙enggiparangba, an∙tangtangni elakkako nambate niroknagita man∙gen ine Lyngdoh agandapaha.
