Salantio cha∙ronggipa me∙su samjakrangni dam rang∙san tang∙doani a∙selo manderang neng∙nikanirangko chagrongna nanganirang batrikrikaniko a∙doko nikna man∙enga. Me∙surangni dam rang∙san tang∙doani a∙song gimiko neng∙nikani ong∙engon, Meghalaya a∙dokba ia apsan neng∙nikaniko re∙anggipa salrangoni chagrongna nangengaha. Assam-o chi banna ong∙anichi badinggiparang dam rakbee bosturangko ra∙bana nangani a∙selo me∙surangni damrang tang∙doskaaniko nikna man∙enga.
Garo hills ni bang∙bata bajar antirangoba iani a∙selo neng∙nikanirangko manderang chagrongna nangao ga∙akenga. Salantio cha∙enggipa me∙su aro gipin bosturangni tang∙doanirang salrikit ba antirikitan tang∙doani batrikrikenga ine koborrangko u∙iataha. Garo hills ona badinggiparang me∙su samjakrangko ra∙bagipa bang∙batan Assam a∙dokoni ong∙e neng∙nikaniko man∙e damrangko bariatna nangenga ine janapangskaaha. Manderang ia ong∙enga obostako district ko nirokenggipana damrangko name tik ka∙china didianiko on∙angskaaha.
