Re∙anggimin sal somoirango a∙doko mikkarang jimbee waani a∙sel Umiam dam-ni chi tang∙doaniko nikna gita man∙engaha. Official-rangni aganani gita July 2 tarikni attam 8 baji mango dam-ni chi 3197.47 ft tang∙doaniko nikna man∙aha jeon chu∙gimik nang∙aniara ft 3220 mang ning∙tuani ong∙achim. Meteorogical department-ni aganani gita a∙doko mikka jimbee waa baksana mikka elipani aro kimpretanirangko nikna gita man∙angkugen ineba parakataha.
Batanggimin sal somoirango Umiam-ni chi tipangani a∙sel gitcham ramarangko nikna gita manpilahachim aro a∙dokni manderangna bang∙a neng∙nikanirangkoba on∙angaha. Ia neng∙nikanirangko ba bijoli den∙anirangko champengna gita mikka chirangosa pangchakani ong∙a. Da∙o a∙doko mikka waanirangko niksamsoaniara songdongenggipa manderangna bijoli den∙aniko champengna gita ka∙dongsoaniko on∙ani ong∙a ine parakataha.
