Tura o git ring∙susaaniko ong∙atenba boksisrangko suale on∙anga

Re∙anggipa July jani 1 tariko, Grik A∙chik dolrang prize distribution cum musicians meet ko A∙chik Baptist Church Tura guesthouse o ong∙atangaha. Re∙anggipa salrangoni git ring∙susaaniko online ong∙atenba chegipa dolrangna boksisrangko on∙angskaaha. Ia ring∙susaanio chu∙gimik dol 16 rang bakko ra∙angaha aro adita dolrangsan chegipa ong∙angtokaha. Ia online ring∙susaanio skanggipako Chokpot jolni Pripa dolrang man∙angaha, gnigipako Simsanggre jolni Faith the Band dolrang man∙skaaha aro gittamgipako Tura-ni Soul Melody dolrang man∙angskaaha. Ia ringsusaanio bang∙a git ring∙giparang nambee ring∙angan baksa nitobee doke-dame on∙angtokaha.