Sombar salni bako Turani MP Agatha K Sangma adita department rang baksa dingtang dingtang scheme rangko kam ka∙engani bidingo Mendipathar Multi-Purpose Hall-o chanchirimaniko dakangaha. Ia tom∙anio Resubelpara a∙jani District Commissioner Mitali Chandra, Kharkutta ni MLA Rupert Momin, Mendipathar ni MLA Marthon J Sangma, Bajengdoba ni MLA Pongseng Marak, GHADC-ni MDC Crozier Momin aro Aldo A Sangma dongpae bakko ra∙angaha.
Ma∙mong sorkarioni on∙atenggipa scheme rangko kam ka∙anio neng∙nikanirang ba namdapatna nanganirangna kamrangko ka∙na department ni official rang baksa aganchanchirimanirangko dakangaha. Je department rangan dingtang dingtang scheme rangko niroke kam ka∙engachim uamangni kam ka∙ani report rangko District Development Coordination and Monitoring Committee (DISHA) ni member rangna on∙china u∙iataniko Agatha Sangma on∙angaha.
Scheme rangko kam ka∙ani aro nirokanio namdapatna aro bite gnanggipa ong∙atna rakbee kam ka∙na miksonge Agatha Sangma department ni dilgiparang baksa ia tom∙anio chanchirimaniko dakangaha.
