NABARD-ni dakchakaniko man∙enggipa Integrated Tribal Development Programme (ITDP-V) project, Training Programme Cum Demonstration-ko Chokpot-ni Warima songo ong∙atanga. Ia programme-ko ong∙atani miksonganiara ge∙e game cha∙giparangna uamangni gamaniko namdapatna a∙sal, sam aro dingtang dingtang cholrangko jakkale bite man∙aniko bariatna skie on∙ani ong∙a. Ia training-o ge∙a gamanio jakkalna nanggipa bosturangko aro uko nirokani cholrangkoba skie on∙angjolaha.
Ia training-o SGH, KVK Plant Protection-ni specialist Dr. Tanya R Marak sambolrangko simsakanina jekai narikel aro komila ge∙anio nanga bosturangko jakkalna nanganirangko skie on∙dapangaha. Unbaksana, me∙su samjakrangko cha∙e nosto ka∙gipa jo∙ongrang, a∙kin aro meserangoni naljokatna te 400 sam botolrangko sualangaha. Ia programme-o sak 150 sorkarioniko dakchakako man∙gipa manderang bakko ra∙angaha jerangan ITDP-V Chokpot project-ni ning∙ao donggipa dam 15 songrangoni ong∙achim.
