Da∙al salni bako, drugs aro chu ba pekatgipa bosturangko jakkale songsalni bang∙a bi∙sarang nosto ong∙enganina, Dainadubi Multipurpose Development Manda A∙kawe Mother’s Union (MDMAMU) aro A∙chik Youth Welfare Organisation (AYWO) dolrang bakrime Awareness Programme ba mikrakataniko Chima A∙pal songo ong∙atangaha. Ia mikrakatani programme-ko uamang North Garo Hills a∙jani Deputy Commissioner ni dakchakanichi chu∙sokgipa ong∙atna man∙angaha.
Da∙ororo chadamberangni pekatgipa bosturangko jakkale nosto ong∙ani batroroenganiko nike uko champengna gita ia programme-ko miksonge ong∙atangaha. Unbaksana pekatgipa bosturangko jakkalaoniko naljoke rakkina aro uko maikai jakkalaona sokanga pilakon rongtale talate on∙angjolaha.
Ia mikrakatani programme-o Dainadubi PHC ni Medical Officer aro Police Officer rangba programme o donge uamangni nama skiani aro ku∙pattianiko on∙angpaaha ine koborko man∙soaha.
