GHADC ni bilsi 14 na galchipe dongipa Printing Press ko gital dake taritaipile da∙al salni bako GHADC ni Chief Executive Member (CEM) Albinush R Marak oprake on∙angaha.
Printing Press na gitalgipa machine bol gittam ko ra∙bae on∙angaha aro iako oprake on∙ani somoio GHADC ni Executive Member (EM) aro MDC rang dongpae bakko ra∙angaha.
Ia Printing Press ko tangchaatpiltaianichi, GHADC-ni dingtang dingtang nanggipa lekkarangko altubee chapa ka∙na dakchakani ong∙anggen. Printing press ko GHADC ni nanganirangna mangmangsan jakkalaigija, a∙jani manderangba an∙tangtangni nanggni kamrangna jakkalangna man∙gen ine Marak kobor ra∙timgiparangna parakataha.
