Da∙al salni bako, William Nagar a∙jani MLA, Marcuise N. Marak, Jal Jeevan Mission (JJM) aro Swachh Bharat Mission Grameen (SBM-G) ni kam ka∙anirangko nipilna tom∙bimangonio bakko ra∙angaha. Ia tom∙bimonganio Jal Shakti-ni Union Minister, Gajendra Singh Shekhawat, Northeast a∙jao ia mission-rangni kamko ka∙e tang∙doanirangko Radisson Blue Hotel Guwahati-o nipilaniko dakangaha.
PHE aro Soil & Water Conservation Department-ni Minister, Marcuise Marak tom∙bimonganio dongpae ia mission-rangko a∙doko tang∙doatna nambata cholrangko jakkale kam ka∙na golporimangaha ine koborko man∙soaha. JJM aro SBM-G ni ning∙o a∙dokni pilak biaprangona ra∙bae on∙a aro kam ka∙na neng∙nikanirangko naljokatna jotton ka∙anggen ine Marak aganangaha.
