Dadenggre Block ni ning∙o donggipa Sadolpara songo, NABARD-ni dakchakako man∙enggipa Springshed Based Watershed Development Project-ko NABARD ni dilgipa re∙bae baganrango dongge cho∙anirangko nirokangaha. Springshed Based Watershed Development Project mingsa chiring chibisikrangko tange rakkina kam ka∙enggiparangoni mingsa project ong∙a.
Ua songo dam 220 donggerangko Belchiga chiring rikamjolrango cho∙angaha. Ia donggerangko cho∙ani miksonganiara mikka chiko cho∙gimin a∙arango chakrike, a∙ningona chirangko jokonate chiring chibiksikko tange rakkianian ong∙a. Unbaksana a∙brirango donggerangko cho∙anichi kosak joljol mikka chirangni joksolaniko champengate a∙arangko chijime rakkina dakchaka.
