Mijal pringwalni bako Manipur a∙doko Bishnupur a∙jani Phoubakchao jolo gogrikanio dal∙drobaenggipa chadambe saksa janggitangna kene kate chakanio guli nange ua biapon janggi galna nangaha.
Ia a∙sel ong∙anina songni manderang mongsongbate me∙chik dolrang ding∙chauaniko mesokna Moirang jolni ramarango re∙ongkataniko dakangaha.
Police rangni aganani gitade, ma∙sina man∙gijagipa dolgnini gogrikani Churandpur a∙jani Awang Leikei aro Kangwai jolni Phoubakchao sepango pringni 1:30 baji mango ia a∙sel ong∙aha.
Adita somoina jrip dongani ja∙man pring 11:30 bajio gogrikani a∙bachengtaiaha aro ong∙enga obostako nirokna gitcham Police ni dal∙batgiparangko Kangwai ona watataha.
