West Garo Hills a∙jani Rongram C&RD Block-ni ning∙o donggipa Sasatgre songo Soil and Water Conservation Department ni gita, Sloping Agricultural Land Technique (SALT) aro Land Development Project-ko, a∙dok sorkarini Speaker Thomas A. Sangma baksa Soil and Water Conservation-ni Minister in-charge Marcuise N. Marak, July 7 tariko a∙bachengate on∙angaha.
SALT projectko a∙doko ra∙gatanichi game-ge∙e cha∙enggiparangna maikai dakchakani ong∙gen aro bang∙bate bolam biterangko pale janggi tanganiko nambata gadangona tang∙doatna dakchakani ong∙gen ine Thomas Sangma agan-talate on∙angaha. Ia project-ni gita a∙a ruronganirangko champengna aro chirangko ripingna dakchakaniko on∙gen ine Marcuise Marak agandapangaha.
Ia project ko a∙doko a∙bachengatanichi ge∙e game cha∙giparangna bang∙a dakchakbeaniko ra∙baan baksana uamangna ra∙biani aro didianikoba on∙gen, jedakode mikkangchi nambata bewalo gama ge∙aniko dakangna chol man∙gen ineba agandapangaha.
