South Garo Hills a∙jani Gasuapara Block-o Meghalaya Skill Development Society ni, bol wa∙arangoniko dingtang dingtang bosturangko jakkalna tarianiko sal snina skie on∙angaha. Trainingko matchotani ja∙mano bol-wa∙arangoniko dingtang dingtang bosturangko sol∙na repna changgiparangna aro gisik nanggiparangna, uamangni kamko a∙bachengatna dakchakna gita adita sol∙a-repani bosturangko Dakti Craft suale on∙angaha.
Dakti Craft Meghalaya a∙dokni dolrangna dingtang dingtang cholrangko ra∙bae adita program rango uamangko bak ra∙ate changa sapaniko dakmesokna cholrangkoba ra∙baronga. A∙doko sol∙na repna changgiparang baksa jatni dakbewalko ripingna aro a∙song gimikna dakmesokani kamrangkoba daito-o ra∙e kam ka∙gipa dol ong∙a.
Ia program ona South Garo Hills a∙jani Deputy Commissioner mongsonggipa sokgipa ong∙e bakko ra∙angaha. Unbaksana Gasuapara Block-ni BDO, Skill Development Officer aro Dakti Craft ni kam ka∙giparang dongpae bakko ra∙angaha.
