Soil aro Water Conservation Department ni Minister Marcuise N. Marak, department ni officer rang aro gipin ka∙rimskarang baksa Swadesh Darshan Scheme ni Daribokgreo niwatna tarigimin biaprangko re∙ange niangaha.
Daribokgre nina nitogipa, rona rotogipa biap damsa ong∙a aro ia biapona a∙doktangni aro gipin biaprangoni, uni notoaniko aro dingtang dingtang sam bolrangko do∙o matrangko nina re∙bagipa touristrang bilsiantian bang∙a.
Ua biapni ong∙telaigipa nitoaniko ripingna aro a∙dokni namro-silroroanina songdongenggipa sakantian ku∙cholsan krimkro ong∙e kamrangko ka∙angna ine Marcuise Marak didiangaha.
