Tura Bypass ramako tarienggipani gimin chanchirimani ko WGH-ni Deputy Commissioner (DC) Jagdish Chelani, Meghalaya a∙dokni Speaker aro North Tura ni MLA Thomas A. Sangma, songni Nokma aro gipin dolrang baksa, Tura-ni DC offficeo mijal salni bako tom∙aniko dakangaha.
Ia tom∙bimonganio bakko ra∙gipa sakantinan ramako tariani bidingo an∙tangtangni nangnikanirangko, chanchianirangko, neng∙nikanirangko aro talatdape on∙aniko dakna cholko on∙angaha. Tura Bypass ramako tariani bidingo baditana kamrangko matchote ka∙engahachim aro ramako tarianio pilak nangnikani ba neng∙nikanirangko u∙iatgrike agan-chanchirimna ine miksonge ia tom∙bimonganiko dakaha.
