South West Garo Hills, Ampati student-rangni kal∙chakram biapo district level-ni gita kal∙atgipa Inter Skul Subroto Cup football tournament ko July jani 8 tariko bon∙kamgipa kal∙ataniko kal∙e matchotangaha.
Ia bilsio District level Subroto Cup robol kal∙susaanio bilsi 14 ni ning∙o ong∙gipa me∙asa dolrangni kal∙anio Rongsang Abagre Secondary skul St. Claret Secondary skul, Ampati-ko goal 5-0 ko chipe chegipa ong∙aha aro kal∙anio nambatgipani boksis ko Rongsang Abagre Secondary Skul ni Gresbath M Marak man∙angaha.
Bilsi 17-ni ning∙ogipa me∙asa dolni kal∙anio Chellapara Secondary Skul goal 2-0 ko Mothers Union Secondary skulni kosako chipe chegipa ong∙aha aro kal∙susaanio nambatgipani boksis ko Chellapara Secondary Skulni Silgrim Marak man∙skaaha.
Uandake bilsi 17-ni ning∙o ong∙gipa me∙chik dolni kal∙anio Birin Nuchong Secondary skul goal 2-0 ko chipe St. Claret Secondary skulni kosako chipe chegiipa ong∙aha aro kal∙anio nambatgipa Birin Nuchong Secondary skulni Sildime D Sangma man∙angskaaha. Ia kal∙susaanio bilsi 17 ni ning∙o susagipa me∙asa dol chu∙gimik dol 12 gnangchim aro me∙chik dolo chu∙gimik dol 7 dongachim. Bilsi 14-ni ning∙o kal∙giparang dol 6 gnangchim.
Ia kal∙susaanio Ampati ni SDSEO, E Ch Marak aro District Sports Official G R Marak bakko ra∙e aganengon kal∙susaani bidingo nambegipa ku∙patianirangko on∙angaha ine kobor ra∙timgiparangna parakataha.
