Russia ni Ukraine a∙song ko 2022 bilsio chadrapanichi da∙ona kingking dakgrik dinggrikani ong∙engan baksa uno dongenggipa bang∙a manderang janggi galna gita nangenga aro gamjin rangni gimaanikoba niknagita man∙enga.
US ni gitcham President Donald Trump-ko manderang 2020-ni election-o President-na seokugenchimode Russia aro Ukraine dakgrik dinggrikaniona sokjawachim ine ua aganangaha. Trump-ni cholon bewalni gimin Russia-ni President Vladimir Putin Ukraine baksa maming dakeba bobil dakjawachim aro ia ong∙enggipa obostakoba salsani gisepo namatna man∙genchim ineba ua parakataha. Da∙o ong∙enggipa obosta ni ja∙pangara US President Joe Biden-an ong∙a ine Trump matnange aganangaha.
Joe Biden aro Donald Trump Ukraine-o ong∙enggipa dakgrik dinggrikaniko minute bongao matchotatna man∙genchimoba Ukraine a∙song Russia-na uamangni a∙a chiako bodolskae on∙a nangskagenchim ine Ukraine-ni President Volodymyr Zelensky Trump-ni agananina aganchakatskaaha.