July 12 tariko, Meghalaya a∙dokni dingtang dingtang Health centre rango Nikshay Diwas program ko ong∙atna gita man∙aha. 2025 bilsini gisepo India a∙song gimiko TB sabisiko bon∙atna miksonga gnang ma∙mong sorkari re∙mikkangenganiko dakenga.
Ia programme-o bak ra∙gipa sakantikon TB saaniko porikka ra∙e niangaha aro non-communicable disease (NCD) ba saksa sakgipinona batrikrikgipa sabisikoba niangjolaha. Nangchongmotgipa ranta ka∙ani, rang∙sitaniko aro ku∙chirangkoba chimonge porikka ra∙e nianirangko dakangjolaha.
Nikshay Diwas ba Nikshay Poshan Yojana ge∙sa Prime Minister ni on∙gipa scheme ong∙a, jean TB sagipa mande sakantina sanna bannaniko on∙na miksongani ong∙a. Ia program ko ong∙ate a∙doko TB sabisiko man∙enggipa mande sakantiko am∙sandie, uamangna sanna bannaniko on∙aniko dakenga.
