Congress dolrang re∙baenggipa 2024 bilsini Lok Sabha election-o susanasienggipako Budbar salo uamangni dilgipa aro Leader of Oposition (LO) Ronnie V Lyngdoh parakataha. Ia election-o Meghalaya Pradesh Congress Committee (MPCC)-ni President aro Shillong-ni MP Vincent H Pala, Shillong Parliament seat-na susaangtaigen ine jinmana parakangaha. Uamangni doloni jerangan Tura-o MP seat na susana miksonggiparang, dorgasto ko gale u∙iatchina ine Lyngdoh anganangaha.
Lyngdoh ni aganani gitade Congress dolko uamang chang∙satai bilona ra∙bapilna aro bilakatpilna raken kamrangko ka∙enga ine u∙ina man∙soaha. Re∙baenggipa bilsio Lok Sabha election baksa bilsi gipino District Council election dongani a∙selo uamang bimchipe kam ka∙e Congress dolko bilake rakkisona kamko ka∙enga ineba Lyngdoh agandapangaha.
