National Test Agency (NTA) ni Language 2 of Section I (33) ko Meghalaya a∙doko jakkalgipa ku∙sikrang dongjani a∙selo chatro-chatrirang sena man∙jawa ine Conrad Sangma, Union Minister for Education, Dharmendra Pradhan-na chitti sedoataha. A∙dokni pilak chatro-chatrirang, ma∙aparang aro skia-porako on∙enggipa bida nokrang iani bidingo neng∙nikaniko man∙enga ine Sangma u∙iataha.
Chief Minister Conrad Sangma, Bristibar salo Union Minister-na chitti sedoanio, a∙doko jakkalgipa Garo, Khasi aro unbaksa Alternative English koba ra∙gate on∙china National Common Entrance Test (NCET) ko ge∙etatna mol∙molangaha. Iako dakanichi chatro chatrirang neng∙nikagri jotton ka∙na aro namgipa cholrangko man∙a amgen in Sangma parakangaha.