Hynniewtrep Youths’ Council (HYC)-ni memberang Shillong Secretariat nok mikkango Sukrobar salo Meghalaya a∙doko Inner Line Permit (ILP) ko ra∙gatna dabianiko dakangaha. HYC memberang sorkarini Meghalaya a∙dokona railway ko ra∙bana miksonganiko ILP ko ra∙gatkuja dipetde ra∙bakuna manjawa ine jegale dabiangaha.
HYC memberang MPCC president aro MP, Vincent Pala ko batanggimin salrango uni railway-ko rim∙chaksona agangipa kattarangna namnikjae jegalangjolaha. Unbaksana uamang Meghalaya Resident Safety Security Act (MRSSA) bill-ni gimaangani bidingoba jajrenganiko janapataha.
