Roster system ni Office Memorandum (OM) ko bon∙kame ra∙gataniko dakaha aro uko nipiltaiani dongjawaha ine Chief Minister Conrad Sangma Bristibar salo aganangaha. ACHIK dolrangni roster system-ko a∙bachengaoni da∙alona kingking ong∙baenganiko nipiltaie ra∙gatchina chotchanggija okgimu chakenganina Conrad Sangma aganchakatskaaha.
Roster system-ko mikkangchi ong∙gnigiparangko nisamsoe chanchiesa chinga kam ka∙enga ine Sangma parakangaha. Gipin jatrangko dingtang dingtang kamrangna batanggimin salrango ra∙napgimin manderangko kamoni ra∙galna manjawa aro ian dakna amgijagipa kam ong∙a ine Sangma aganangaha.
