West Garo Hills, Don Bosco College Tura ni chatro chatrirangna Indian Air Force (IAF) ni a∙bao kamrangko ka∙anio ka∙dongani cholrangko ku∙pattie ramarangko mesoke on∙angaha. Ia programko West Garo Hills District Administration baksa nangrime chatro chatrirangna aviation ba sildorengni a∙bao u∙ie ba masie ra∙china gita ong∙atangaha.
Iano Guwahati ni Wing Commander Sanmugam, 11 Airmen Selection Centre ni Commanding Officer nambegipa ku∙pattianirangchi agane skie on∙angaha. Batanggimin somoirango India a∙songni aviation-ni nambegipa kamrangni gimin talatangan baksa Indian Air Force ni a∙gilsak gimiko brigipa dal∙batsranggipa ong∙aniko rasong chabee parakangaha.
Ua chatro chatrirangko ia a∙bao bakko ra∙china didianiko on∙angan baksa Indian Air Force ni kamko ka∙giparangni cholrang aro namgnirangkoba talate on∙angaha.