Tura songjinmao rongtal an∙talaniko ra∙bana dakenggipa Green Initiative project o nokantini jabolrangko kraa bewalo galaniko adita Tura ni gittimrang bak ra∙aniko nike TMB mande ra∙pilaskaaniko dakangaha. Akkimbri, Dingdora, Jangga aro Dobasipara Chakugitok gittimrangna ia project o bak ra∙e namgipa dakmesokaniko on∙anganina tangsim aro tangsekgipa kalbongrangko TMB suale on∙angaha.
Ia kamna Tura Municipal Board (TMB) songjinmao songdongenggipa manderangko bakrimpachina mol∙molaniko on∙angaha. Songjinmani pilak Development Committee rangkoba sakanti nokdangrangni bimingrangko segate on∙pachina didianganiko dakangaha.
Iachi a∙dokni aro a∙jani kona noksikni jabolrangko nama bewalo rongtalatanio mikkangchina namgni ong∙gen ine TMB talate on∙angaha.
