National Legal Services Authority (NLSA) ni pilak scheme-rang aro Government Welfare scheme-rangni bidingo Meghalaya State Legal Services Authority (MSLSA), Mega Cum Awareness Programme ko July jani 15 tariko WGH a∙jani St. Francis De Sales School Somonpara Gambegre songo ong∙atangaha. Ia programme o Department of Justice (DOJ) project ko ra∙gate on∙angan baksa Meghalaya a∙doko legal service ni bilsi 25 ong∙ani salko gisik ra∙angjolaha.
Ia programme o Meghalaya High Court ni Chief Justice Sanjib Banerjee mongsonggipa ong∙e tom∙aniona sokbaaha. Unbaksa Meghalaya High Court ni Judge aro MSLSA ni Executive Chairman, Justice H.S Thangkhiew dongpae programme o bak ra∙angpaaha.
Medical Departmentni gita tom∙aniona re∙bagipa manderangna tangka gri be∙en bimangko porikka ra∙e on∙angaha unbaksana mikronko porikka ra∙angjole chosimarangkoba indin suale on∙angaha. Ia programme o aadhar na biming segatanikoba dakangaha. Somonpara-oni Don Bosco School-ona bike rango gadoe re∙jomanikoba dakangjolaha.
