A∙dokni chess kal∙gipa sakgni Guwahati-o ong∙atanggipa Chess Tournament-o bak ra∙e chegipa ong∙a

Guwahati-o bongagipa changna ong∙atanggipa Ayodhya International FIDE Rating Chess Tournament 2023-o a∙dokni chess kal∙giparang bakko ra∙e chegipa ong∙angaha. A∙dok gimiko chess kal∙susaanio skanggipa ong∙e dongenggipa Barbith Ch. Marak gittamgipa gadangko man∙angaha aro Shillong Army Public School-ni chatro saksa Advitiya A. G skanggipa gadangko man∙angskaaha. Ia kal∙susaanio chu∙gimik sak 333 manderang bakko ra∙angaha.

Meghalaya Chess Association-ni u∙iatani gitade uamang sakgni, July 21-22 tariko Umsning Ribhoi a∙jao ong∙atnasienggipa 46th Meghalaya State A Championship 2023-oba bakko ra∙anggen ine parakangaha. Ia kal∙susaaniko GBDCA, Umsning Auditorium-o ong∙atanggen ine koborko man∙soaha. Ia chess tournament-o kal∙susae gadang brigipaona sokdogiparang Pune o ong∙atnasienggipa 60th National Chess Championship 2023-o bak ra∙anganiko nikangskagen.