Meghalaya a·dok 2028 bilsio gong 10 billion-Dollar economy ong·na miksongengon, National Multidimensional Poverty Index (MPI) 2023 o, Niti Aayog ni July 17 tariko parakatanio a∙songo dambonga kangalbatsranggipa a∙dokrangoni damsa ong∙a. Ian a∙dok sorkarini 2028 bilsio chu∙sokatna miksonge re∙mikkanganio mikrakatani aro dal∙begipa ra∙biani ong∙a.
National index-o mesokani gita 2015-16 bilsio 24.85% oni 2019-21 bilsio 14.96% ona tang∙onaha aro 9.89 % mangni gita tang∙onanganiko nikna man∙aha. A∙song gimiko kangalbatsranggipa a∙dokrangoni Bihar, Jharkhand, Meghalaya, Uttar Pradesh aro Madya Pradesh ka∙mabatgipa gadango ong∙angaha.
National Family Health Survey (NFHS) ni gita, Meghalaya a·dok 32.54% ni gita kangalbatsranggiparangoni bak ong·enga. Bihar 51.89 %, Jharkhand 42.1 % aro Uttar Pradesh 37.88% o ong∙e a∙song gimiko kangalbatgiparangoni a∙dokrang ine biming segatako man∙angaha. Ia report-rangko National Family Health Survey (NFHS), 2019-21 pangchake, National MPI-ni gni gipa edition-o on·angaha.
