West Garo Hills a·jao donggipa Ganol dam-o mikkarang jimbee waani a∙selo chirang nanganabate tang∙doaniko nikna man·enga. Dam-ni chirang joksuake chi bannanirang ong∙na skang simsaksoe, chimonggimin chirangko wate galna nangnaba donga ine WGH a·jani Deputy Commissioner aro District Disaster Management Authority (DDMA) ni Chairman u·iataniko on·angaha.
Ganol dam-ni ka∙mao songdongenggipa songni manderangko mikrake dongchina ge∙etataha. Unbaksana chiring sambaona, nalarang, culvert aro gipin chiringrangni sambao donggipa biaprangoni chel∙e simsake dongchinaba u∙iataniko on∙angaha.
