A·dokni bang∙a neng∙nikanirangko man∙enggiparangi gimin aro Inner Line Permit (ILP) ko man·chape namgipa cholko ra·e ma∙mong sorkarini Union Home Minister Amit Shah baksa golpogrikanggen ine a·dokni Chief Minister Conrad Sangma parakataha. Batanggimin somaio NDA tom∙bimonganio a·dokni dal∙a neng∙nikanirangni gimin Sangma uni Cabinet Minister-rang baksa Union Home Minister-ko grongna re∙bagen ine janapgimim dongaha. Uko grongnagita somai on·ode ILP ni bidingoba agangrikbajolgen ine kobor ratimgiparangna Sangma aganangaha.
Uniform Civil Code (UCC) bill-ko ra∙gatna ma∙mong sorkari name tarikujani gimin uni bidingo golpoe maming namgniko ra∙bajawa ine Sangma parakangaha. UCC namen rakbegipa, u·ina nanggipa ong·a jekon maikai aro maidakgipa bimango ra∙bagen uko ma∙sina gita man·kuja. Jensalo ia bill-ko ra∙gatna tarigimin japa ka∙gimin lekkako ra∙chakna ama aro amgijaniko golporimna man∙gen ine Sangma parakangaha.
