A·doko jawilwat tarigipa manderangna dakchakaniko on·agita a·dokni gimik a·jarango jawilwat mesokchakram biaprangko rike on∙a mangsongangaha. Ia jawilwat mesokchakram biaprangko, re∙baenggipa bilsi 4 rango matchotate a·bachengatgen ine ka∙dongataniko Chief Minister Conrad Sangma parakataha.
Jawilwat tarigipa industry-ni gita bang∙a a·dokna dingtang dingtang namgni ba gamchatanirangko ra∙bana cholrang bang∙en donggenchimoba da∙o dipet ia cholrangko chu∙sokate on∙a man∙kujaenga ine Sangma aganangaha. Jawilwat mesokchakram biaprangko niamo pangchake, sorkari jako ra·e kamko ka·enga aro ma∙mong sorkariko tangka paisani gita dakchakchina u·iatanirangba dongaha. Ia kamrangko a∙bachengatnichi pilakan a·dokni wilwilao jawilwat tarigiparang an∙tantangni changa sapaniko jakkale jawilwatrangko tarie dakmesokangna chol ong∙gen ine Sangma agandapangaha.
