A∙dokni pilak artisan aro craftsmen-rang ba jaktangchi ma∙manti bosturangko sol∙na repna changgipa manderangna, Ateliers Meghalaya Award 2023 ko July jani 21 tariko, Conrad Sangma suale on∙angaha. Ia award-rangko ge∙bri bak dake saksni manderangna sualangaha.
Atelier Meghalaya Project-ko 2021 bilsioni a∙bachengataha jeon sak 55 sol∙na repna changgipa sapgipa manderangna dakchakaniko on∙angaha. Ia projectni dakchakanichi bang∙a jakchi sol∙na repna changgipa manderangna tarigimin bosturangko pale sime cha∙anio tang∙doatna, bosturangko nambate tarina dakchakani ong∙an baksana gitalgipa bajar-antirangona altuae sokatna dakchakaniba ong∙a.
Sorkari indakgipa project-rangko ra∙bae sol∙a repani a∙bao changgipa sapgiparang na dakchakaniko on∙angkuaigen ine Sangma parakangaha. Unbaksana uamangni tarigimin bosturangko mesokna aro online palaniko dakna Meghalayan Age website-ko oprakate on∙angaha.
