Meghalaya a∙doko State Steering Committee-ni tom∙bimonganiko Chief Secretary Donald P. Wahlang Mongolbar salo dakdilangaha. Ia tom∙anio Health & Family Welfare Department, National Health Mission, Social Welfare, Education, Housing, Civil Defence, Urban Affairs, Sports & Youth Affairs, Labour, Mining & Geology, WHO, UNICEF, UNDP, JSI-rangni Director-rang aro Official-rang donge bakko ra∙angaha.
Meghalaya a·doko biji su·anirangko bang∙a biaprangon matchotangaha jean da∙o dipet 89 percent-ni gita su∙mantokaha ine committee-na mesokangaha. Ia tom·anio Intensified Mission Indradhanush (IMI) 5.0 ni gita sokangna man·gija biaprangchi sokatna ramako amna ba nambate niroksandina gita jagittamna immunisation catch-up campaign ba biji su·ani baitaona kingking chu·sokaniko nipiltaina ong·atangna mangsongangaha. Ia campaign-ko changgittam dake August 7-12 tarikona, September 11-16 tarikona aro October jani 9-14 tarikrangona 2023 bilsion ong·atna tik ka·angaha. Ia campaign-o biji su∙aniko bi∙sa atchiaoni bilsi 5 gadapgiparangna aro an·o donggipa me·chikmarangna seokgimin biaprango a·bachengatgen ine u·iataha.
Ia campaign-ko ong·atanichi Measles-Rubella (MR) bijiko su·e 2023 bilsini December jao 95 percent-na bate matchotatgenchimode MR sabisiko gimaatna miksonganiko chu∙sokna gita man·anggen. IMI 5.0 ni gita U-Win ge·sa digital a·damni dakchakanichi bimingrangko segatna India a·songo aro a·dok gimiko man·a kragiparangko ma∙sina gita man·gen ine parakataha. Unbaksana UNICEF aro gipin dolrang bakrime salgittamna Behavioural Science Intervention Design Workshop-ko ong·atangaha. Iako ra∙baanichi Meghalalaya a·doko Behaviour Science (BI) aro Human Centered Design (HCD)-rangoniko ma∙sie ra·e jakkale Routine Immunisation (RI) rate-ko namdapatna miksonge ong∙atangaha.
