ACHIK dolrangni Tura-o Winter Capitalko on∙china dabienganiko nike, Jaintia Students Union (JSU) ba Sukrobar salo Summer Capital ko Jaintia Hills-o songnagita dabianiko dakangaha. JSU-rangni aganani gitade Jaintia Hills a∙jarangoba a∙dokni skotongko man∙a kraa maina iano gamchatgipa bosturangko a∙dokni ong∙telaigipa cholrangchi man∙dapatani jekai koela, rong∙chun aro ro∙ong ginchirangko bikotna man∙ani bilrang donga ine JSU dolrang aganangaha.
Damgipin skotongko songna tik ka∙aniara a∙dokni gipin a∙jarangona apsangrik dake rika cho∙anirangko aro namroro silroroanina dingtang dingtang cholrangko ra∙bana dakchakani ong∙gen ine agandapangaha.
West Garo Hills a∙jani Tura-o ACHIK dolrang Winter Capital-na dabiengani ja∙mano skotong songjinmana dabianirang batrikrikenga. Apsan daken Bristibar saloba West Khasi Hills a∙jako Autumn Capital songe on∙chinagita HYC dabianganiko dakangaha.
