July jani 21 tariko Kusimkolgre-C Urban Health aro Wellness Centre ko PHE, Housing aro Soil & Water Conservation ni Minister Marcuise N. Marak oprake on∙angaha. Ia programme-o EGH a∙jani DC Vibhor Agarwal aro Williamnagar Civil hospitalni medical department o kam ka∙giparang bakko ra∙angaha. Ia centre-ko oprake on∙anichi Marak Kusimkolgre-C ni manderangko sanna bannanio nang∙chongmotgipa kamrangko dangdike on∙a man∙gen ine parakangaha.
Iako ra∙baanichi biapo songdongenggipa manderangna nambata sanna bannanirangko on∙a darangchiba songre-songrabatna nanga gri man∙a amgenok ine Marak parakangaha. Marakni agananigitade ian dal∙begipa chu∙sokani ong∙a ine janapangaha. Sorkari aro medical o kam ka∙giparangni bakrime jotton ka∙anichi manderangni an∙seng baljokanina ia gitalgipa Urban Health aro Wellness Centre gamchatbegipa ong∙gen ine Marak agandapangaha.
