Meghalaya a∙dokni North Eastern Electric Power Corporation Limited (NEEPCO) baksa 500 Mega Watt (MW) ni Thermal Power Project ko, re∙anggipa sal somoirango soi ka∙grikgimin MoU ko dongtongchina ba ra∙galchina sorkariko didiangaha ine Power Minister AT Mondal u∙iataha. Bijoli bikotna nambata cholrangko ra∙bana miksongani dongani a∙selo unbaksana NEEPCO ko National Thermal Power Corporation (NTPC) breahani gimin ia ku∙pattianirangko dakangaha ine ua aganangaha.
A∙doko bijoli wataniko nambatatna dabiani batrikrikani gimin a∙dok sorkari dingtang dingtang cholrangko am∙sandie kamrangko ka∙enga ine Power Minister janapangaha. Ia neng∙nikanirangko nike gitalgipa power project rangko a∙dokona ra∙bana sorkari miksongenga ineba ua agandapangaha.
