Re∙anggipa Sukrobar salni bako Songsakni BDO Seldin N. Sangma Gongrang songo Manda chiko kasotenggipa RCC dollong rikenggipako nirokaniko dakangaha. Unbaksana ua songni manderang baksa dikdiksana tom∙e agan-golpogrikanirangkoba dakangjolaha.
Ua tom∙anio songni manderangni u∙ina sikani aro sing∙anirangna Block ni official rang amma dipet uamangna agane on∙anirangkoba dakangaha. Uamangni songo adita neng∙nikanirangko janapanirangkoba see ra∙e Block ni officialrang nirokaniko dakanggen ineba aganaha.
Manderang baksa agan-golpogrikani somoio aadhar card-ni gamchatani aro nangchongmotani giminba mikrakataniko on∙an baksa manderangko didiangaha. Aadhaar card-na biming segatan baksa job card aro bank account-ko aadhaar baksa nangdimatna nangchongmotanikoba talate on∙angjolaha.
