Social Awareness and Action to Neutralize Pneumonia Successfully (SAANS) training ko Bajengdoba PHC ni Anganwadi Worker (AWW) ba Anganwadi o kam ka∙gipa dol gnina North Garo Hills a∙jani Bajengdoba-o July 25 tariko ong∙atangaha. Ia trainingko ong∙ataniao Child Development Project Officer (CDPO) ba dongpae bakko ra∙angaha.
SAANS, ian ma∙mong sorkarini Ministry of Health & Family Welfare ni gita songadam aro songjinmarango bi∙sarangni Pneumonia sabisiko man∙e sianiko komiatna a∙bachengatgipa programme mingsa ong∙a.
SAANS ko a∙bachengate dingtang dingtang biaprangona wenjojoe manderangna agantalate on∙aniara bi∙sarangko Pneumonia sabisioniko naljoke rakkina aro nambata simsakaniko on∙a ja∙ku de∙ani ong∙a. Manderangna mikrakatani kamrangko ka∙anio mass media jekai TV, radio, community radio, social media, banner aro poster rangko jakkale manderangna mikrakatani cholrangko dakenga.
