Kajia golmalko ra∙bagipa manderangni kosako rakbea sinjetaniko on∙china MDA ni MLA-rang dabianga

Meghalaya Democratic Alliance (MDA) ni MLA-rang, July ni 24 tariko Chief Minister Conrad Sangma ni Winter Capital aro Backlog policyni bidingo NGO-rang baksa Tura Mini Secretariat o agangrikaniko dakmiting somoio kajia golmal ong∙ataniko jegalataha. Ia kajia golmalko ra∙baanio jemangan bak dongachim uamangni kosako rakbea sinjetanikoba on∙china gita gitcham MLA PT Sawkmie aro BJP State President Ernest Mawrie dabiangaha.

Apsandaken NPP dolni member rang manderangni kragijadake jingjengatenba a∙sel ong∙aona sokatanina jegalaniko dakataha. So∙sojengjeng ong∙atanio bak donggipa manderangkoba maming neng∙nikaniko ra∙bagija tom∙tome jatna dabianio kamko ka∙angpachina mol∙molangaha. Unbaksana sakanti jatni manderangkoba sorkari baksa bakrime iani bidingo chakchike kam ka∙angpachina uamang didianiko on∙angaha.