Sombar salo, Tura jilla-ni Dakopgre Mini Secretariat-o so∙sojengjeng ong∙atdilgipa manderangko agane on∙gipana gong hajal 10 tangkarangko on∙a West Garo Hills a∙jani administration tik ka∙aha. Iako uamang Magistrate ba pulis dolrangna parakatna man∙gen aro koborko on∙gipa mandeni bimingko ma∙siatgija dongen ine parakataha.
Da∙o chu∙gimik sak 21 jak donggipa manderangko uamang rim∙aha aro mitamrangde kate chakenga ine koborna parakataha. Ua somoio tom∙tomaniko nosto ka∙giparangni kosako am∙sandianiko dakuenga ineba uamang parakangaha. A∙jao niamko ja∙rikna aro tom∙tomaniko ra∙bana sakantikon bakrimpachina a∙jako nirokgipa administration didianiko on∙angaha.
