Meghalaya a∙dokni Bharatiya Janata Party (BJP) dolni President Earnest Mawrie, Turao a∙sel ong∙ani kosako dilgiparangoni maming jak dongja ine jegalataha. Ia kattarangko Turao a∙sel ong∙anio jak donggipa manderangko rim∙ani ja∙mano, BJP me∙chik doloni sakgni manderangni bimingko parakatani ja∙mano Mawrie aganataha.
Kobor ra∙timgiparangna parakatanio a∙dokni BJP President Mawrie, Turao a∙sel ong∙anio chingo maming jak dongja aro golmal ka∙na gita dilgiparangoni ge∙eta dongja. Ia a∙sel ong∙aniko kragipa ong∙ja ine chinga raken jegala ine Mawrie parakataha.
A∙sel ong∙anio jak donggipa mande sakantikon rim∙na nanga. BJP West Garo Hills-oniko chinga report rangko am∙atenga aro jemangan ia a∙sel ong∙anio jak donga uamangko sal chibongani gisepo party ni gita kraa sastiko on∙gen ineba BJP State President Ernest Mawrie aganangaha.
