Petrol pump-oniko Lakh 3.6 tangkako ra∙sekdrae kata

July 26 tariko East Khasi Hills a∙jani Smit, Pyngrope Service Station-o pring 10 bajio ma∙sina man∙gijagipa mande sak bri sipairangni ganagita dakgipa chola bararangko gane silchidarerangko ra∙bite petrol pumponiko tangka gong lakh 3.6 ko ra∙sekdrae katangaha.

Koborko man∙soani gitade ma∙sina man∙gijagipa manderang silchi dareko ra∙bite petrol pumpo kam ka∙giparangko ka∙mikkenate tangka paisarangko ra∙e kataha. Ia Pyngrope Service Station petrol pumpara gitcham MLA Remington Pyngrope-ni ong∙a ine kobor ra∙timgiparangna u∙iataha.